Zonja e Parë e Shteteve të Bashkuara të Amerikës i mahniti të gjithë , me një kostum të dizejnuar nga stilisti amerikan, Michael Kors.
Melania Trump, dihet se ka mundësi të veshë kostume nga më të shtrenjtit dhe më të veçantët, dhe kështu ka bërë edhe në mbledhjen e Kongresit ku ajo ndoqi fjalimin e bashkëshortit të saj, Presidentit Donald Trump.
Kostumin e zi të cilin Melania e kishte veshur është dizajnuar nga Michael Kros dhe ka kushtuar 10.000 dollarë. Xhaketa kushton 5.000 dollarë, ndërsa fundi 4,600 dollarë, sipas E News.
Kostumi ishte në kontrast të thellë, me gratë e Kongresit Demokratik, të cilat ishin veshur të gjitha me të bardhë si në shenjë solidariteti me gratë e kombit amerikan.
I pyetur për këtë zgjedhje, dizajnuesi Kors, shpjegoi për BAZAAR.com, “Zonja Trump ka qenë një kliente prej kohësh në butikun tonë në Nju Jork. Ajo ka një kuptim të mprehtë se çfarë i duhet dhe çfarë funksionon më mirë për të dhe mënyrën e jetesës së saj. Kostumi im i zi pasqyron pamjen magjepse për të cilën ajo njihet”.
