Nëse do t’ju pyesnim se cili është libri juaj i preferuar në shqip, cilin titull do të përmendnit?
Një faqe webi, e quajtur Backforward24, bëri të mundur një hartë botërore, ku mbi çdo shtet, ndodhet kopertina e librit më të preferuar në vend.
Për Shqipërinë është “Gjenerali i ushtrisë së vdekur”, nga Ismail Kadare. Kur sheh pjesën tjetër të hartës, kupton që kjo është diçka e zakontë në të gjithë shtetet. Librat e preferuar vijnë nga autorët më të dashur të vendit.
Në Rusi, për shembull, libri më i preferuar është “Lufta dhe paqja,” e Leon Tolstoit, në Angli “Krenari dhe Paragjykim” e Jane Austen. Amerika zgjodhi “Të vrasësh zogun përqeshës” nga Harper Lee, ndërsa Franca “Të mjerët” e Hygoit.
