Në fund të muajit që lamë pas Fero i ka befasuar të gjithë me një postim në Instagram, ku ka publikuar një foto të TuPac, teksa krahas saj ka shkruar se ai nuk ka vdekur dhe do rikthehet pas 24 vitesh.
Sipas Feros, ai do jetë pjesë e videoklipit të tij të fundit.
https://www.instagram.com/p/CBv7T-6nGbc/?utm_source=ig_web_copy_link
Aso kohe, ky status ka ngjallur reagime të shumta mes komentuesve që kanë shprehur indinjatën e tyre ndaj deklaratës së reperit.
Ata jo vetëm që nuk e besojnë diçka të tillë, por kanë shpërthyer në ofendime ndaj 22-vjeçarit.
Megjithatë, kënga tashmë është publikuar dhe sikundër na e mori mendja reperi e ka kthyer 2Pac përmes këngës së tij dhe pretendon se ai është një një farë mënyre 2Pac shqiptar.
Kënga ka dalë pak pasi ora shënoi 00:00 dhe jo rastësisht, pasi sot Fero ka ditëlindjen.
Ai ka shkruar në Instagram se është i vetëdijshëm se shumë persona janë tallur me deklaratat e tij, por pasi të dëgjojnë këngën do ndryshojnë mendim.
Projekti është padyshim një diss për kolegët e tij, ku 22-vjeçari shprehet se ka ndryshuar lojë në industrinë e muzikës dhe madje shprehet se po të mos ishte ai nuk do ishin as reperet.
Për më shumë dëgjojeni vetë dhe na tregoni a ndryshuat mendim apo jo.
