Një ngjarje tronditëse ka ndodhur në një familje shqiptare në Gjermani. Nënë e bir janë sulmuar për vdekje nga qeni i shtëpisë.
Lezime K. (52-vjeçe) dhe djali i saj 27-vjeç, janë gjetur nga vajza e saj dy ditë më pas në shtëpinë ku jetonin së bashku.
Vajza e familjes ishte tmerruar teksa kishte parë nga dritarja të vëllanë të shtrirë përtokë, dhe kishte lajmëruar menjëherë policinë.
Familja shqiptare ishte vendosur në Gjermani prej 8 vitesh dhe së fundmi kishte marrë një qen të racës “Staffordshire Terrier”, të cilët njihen si tepër të egër dhe të fuqishëm.
Ndërkohë që pritet të bëhet ekspertiza e trupave, nga hetimet e para ka rezultuar se vdekja e dy shqiptarëve ka ardhur si rezultat i kafshimeve nga qeni.
Burimi: Bild
