Një ditë e paharruar sot për Hekrien dhe Altinin të cilët rigjetën njëri-tjetrin pas 47 vitesh distancë.
Historia e dhimbshme preku zemrat e të gjithëve ditën e sotme teksa më shumë detaje u zbuluan në skenë. Altini mësoi se ishte i adoptuar vetëm pasi mbaroi ushtrinë dhe gjithçka dinte ishte emri i tij i lindjes, Rudin Ceka. Ndërsa vitet kaluan, Altini ka krijuar tashmë familjen e tij por një pjesë e tij gjithmonë pati peng të dinte se kush ishte nëna e tij biologjike.
Hekria përloti gjithë studionin dhe shikuesit nga ekrani teksa tregonte historinë e saj të vështirë dhe plot dhimbje.
E braktisur nga familja pas lajmit të shtatzanisë ajo bëri çmos për ta rritur fëmijën e vetme duke punuar në shtëpinë e fëmijës në Durrës. Pas 4 vitesh asaj iu tha se djali i saj kishte vdekur dhe të mos kthehej më.
Por me kalimin e kohës ajo merr një sinjal që djali i saj është akoma gjallë dhe që atëherë nuk ka reshtur së kërkuari për atë. Sot ajo vjen nga Italia dhe rrëfeu historinë e saj pa qënë në dijeni që djali i saj i humbur Rudini po e dëgjonte nga ana tjetër e murit.
Pas kësaj ata u takuan dhe dhuruan momente mjaft emocionuese.
View this post on Instagram
