Një infermiere 28-vjeçare në njërin prej spitaleve të Britanisë së Madhe ka ndërruar jetë për shkak të Covid-19.
Mary Agyeiwaa Agyapong ishte shtatzënë dhe u shtrua në spital më 7 prill, pasi rezultoi pozitive me Covid-19 dy ditë më parë.
Fatkeqësisht, infermierja e cila ishte shtatzënë nuk e ka përballuar dot virusin dhe ka ndërruar jetë në spital.
Mirëpo, lajmi i mirë është se fëmija i saj ka ardhur në jetë shëndoshë e mirë.
Mary punonte prej 5 vitesh në spitalin Luton and Dunstable University.
Gjithashtu, mësohet se bashkëshorti i infermieres është po ashtu i infektuar me Covid-19 dhe është vetëizoluar.
