Një ngjarje tronditëse ka ndodhur sot në Kamëz. Futbollisti nga Mozambiku Arturo Rexhinaldo, i cili luan me ekipin e Laçit, gjatë ditës së sotme është dhunuar barbarisht nga disa persona.
Pas këtij veprimi të papritur Arturo dhe partnerja e tij i janë drejtuar policisë.
“Për këtë çështje nuk mund të flas tani, nuk mund të jap sqarime. Më mirëkuptoni”, mësohet të ketë thënë futbollisti i Laçit i kontaktuar nga “Panorama Sport”.
Arturo sezonin e kaluar ka luajtur me Luftëtarin, ndërsa këtë sezon është me ekipin e Laçit dhe deri më tani numëron 12 gola.
