Në botë ndarja e Shakirës dhe Gerard Pique-s, këtu tek ne ajo e Blero Muharremit dhe Afrona Dikës.
Dyshja kanë bërë bujë të madhe me historinë e tyre të dashurisë, e cila përfundoi vetëm pak kohë pasi u kurorëzuan në martesë. Teksa thumbat ndaj njëri-tjetrit kanë qenë të vazhdueshëm, disa ditë më parë Blero doli para të gjithëve duke konfirmuar ndarjen e tij me Afronën.
Fill pas deklaratës së tij, këngëtari publikoi një foto në Instastory ku shihej nën shoqërinë e një vajze misterioze. Flokët e saj bionde ishin e vetmja gjë që Blero preferoi të zbulonte .
Nga ana tjetër, edhe Afrona nuk mbetet pas. Dika së fundmi ka publikuar një foto ku shkruan: “Rreth fundjavës që lamë pas, e dehur në dashuri.” Në foto duket ajo veshur me një fustan dhe një gotë në dorë.
Kjo deklaratë e Afronës ka ngjallur shumë dyshime, pasi më herët e aluduar për një lidhje të re, burime pranë saj i mohuan këto zëra, duke u shprehur se për momentin ajo është e fokusuar tek karriera e saj.
Siç e përmendëm më lartë, Blero pranoi më në fund atë që publiku dinte prej muajsh, me një deklaratë në Instagram ku ndër të tjera shprehej:
“Unë dhe Afrona i kemi dhënë fund martesës sonë 2-vjeçare në maj të këtij viti. Arsyet janë tërësisht personale dhe që na përkasin vetëm neve. Nuk ka pasur asnjë moment hapësirë për interpretim, keqinterpretim apo përdorim të imagjinatës. Pra, miq e dashamirës, lidhja jonë ka përfunduar, ndaj situata është e rënduar ashtu siç është, madje edhe pa e kthyer në pjesë të debatit publik. Unë po ju drejtohem me një kërkesë për herë të parë dhe të fundit, me shpresë që do të hasë në mirëkuptimin tuaj- ta lënë ashtu siç është këtë pjesë të jetës sime dhe të mos merremi më gjatë me të. Ky vendim i cili na përkiste vetëm mua dhe Afronës, ndaj dhe dëshiroj që ta mbajmë të tillë. Do ta vlerësoj shumë nëse do të më mirëkuptoni, meqenëse kjo vërtetë do të jetë hera e fundit kur unë do të ju adresohem për këtë çështje. Faleminderit nga zemra për kohë. I juaji, Blero”.
