Lori Hoxha ka bërë një sërë publikimesh sot me rastin e Shën Valentinit, edhe pse për të qenë të sinqertë ende nuk e dimë statusin e saj, beqare apo në një lidhje!
Fashionista e njohur, e cila i ka dhënë fund marrëdhënies me të dashurin prej vitesh, Visin, ka publikuar foton e një çifti që mendojmë se është i preferuari i saj.
Bëhet fjalë për motrën Sara dhe Ledion Liçon, dhe një foto e tyre e realizuar gjatë dasmës në Itali.
Fotoja tepër romantike na tregon se çifti është idhulli i Lorit dhe se dashuria e tyre është një frymëzim për fashionistën shqiptare.
Më pas Lori ka publikuar disa thënie të tipit, “Mos prit momentin e duhur për t’u treguar njerëzve sesi ndihesh, ai mund të mos vijë kurrë”.
Një tjetër çift që hyn në preferencat e saj është Kourtney Kardashian me partnerin Younes Bendjima.
Postimet, Lori i mbyll me një urim disi emocional kur shprehet: “Gëzuar Ditën e Shën Valentinit të dashuruar. Le të keni të gjithë dikë që t’ju puthë atje ku ju dhemb”.
Nuk e dimë nëse Lori e ka këtë person, por shpresojmë!
