Reperi i njohur shqiptar, Stresi ishte dje i ftuar në emisionin “Rudina” së bashku me nënën e tij. Pasi folën për bëmat famëkeqe të reperit, ata diskutuan edhe për Kejsin, të dashurën e Stresit.
“Kejsi është gocë me shumë vlera dhe meriton çdo gjë të mirë”, tha mami i Stresit.
Rudina e preku nënën e Stresit me një dedikim shumë emocionues nga Kejsi.
“Në fillim ty do të të drejtohem Mimi. Ti për mua je shumë e rëndësishme jo se je nëna e Kejdit, por edhe se ke një zemër të madhe. Ke qenë gjithmonë një mbështetje e madhe për ne”, tha Kejsi.
Pikërisht këto fjalë përlotën Shpresën, mamin e Stresit e cila rrëfeu edhe emocionet që përjetoi ditën e parë kur takoi nusen e ardhshme.
“Ajo ka bërë një gjest për mua që nuk harrohet asnjëherë. Takimi i parë me Kejsin ka qenë vjet, diku për Vitin e Ri. Për mua ka shumë rëndësi impakti i parë me njerëzit. Më ngjiti menjëherë. Në bisedë e sipër me Kejsin, teksa po pinim kafe, më thotë ‘dëgjo Mimi’. Mimi më thërrasin mbesat dhe Kejsi. Unë e di që Stresi është shumë i lidhur me ty dhe kam menduar që kur të kurorëzohemi dhe Stresi të vijë për Kanada, të të bëj gati një dhomë. Sa herë që Stresin ta marr malli për ty, ti të vish dhe ta kesh dhomën e mbyllur. Në momentin që të vish, të hapësh derën tënde. Ishte një emocion i paparë. Është e rrallë që një vajzë të rritet në perëndim të të thotë ato fjalë”, tha Shpresa e emocionuar.
Stresi dhe Kejsi momentalisht po jetojnë në Tiranë derisa reperi të publikojë albumin e tij të tretë dhe të përfundojë angazhimet artistike.
