Ditën e djeshme në të gjitha mediat rozë u publikua lajmi se reperi Majk pas ndarjes nga Melita Nushi kishte gjetur një të dashur të re, pasi ishte parë nën shoqërinë e saj.
Kejda është 18 vjeç dhe është e njohur si tatuatoret e rralla femra në Shqipëri.
Megjithatë duket se ajo nuk e ka pëlqyer fare këtë lajm dhe e ka mohuar, duke thënë se nuk është në lidhje me reperin, kanë vetëm një marrëdhënie miqësore dhe shoqërohen shpesh bashkë.
“Ai këtë lajm e ka marrë me sportivitet, ndërsa mua më vjen inat sepse jam femër dhe s’dua të ma dalin fjalë kot më kot. Po çfarë të bëj! Kjo është Shqipëria! Vetëm me fjalë merren njerëzit lartë e poshtë!” – u shpreh Kejda për “JOQ.al”.
Ndërkohë ajo ka publikuar edhe bisedat me Majkun pas lajmit, ku duket qartë se mes tyre nuk ka akoma një lidhje dashurie. Megjithatë duket se Majk e pëlqen Kejdën pasi i sugjeron të bëjnë realitet lidhjen.
