Për gati një vit, flitet rreth romancës midis aktores 36-vjeçare dhe princit 33-vjeçar të Britanisë së Madhe, Harry. Nëse Markle dhe Princi Harry janë me të vërtetë duke u drejtuar për në altar, ajo do të bëhet amerikania e parë që do të martohet me familjen mbretërore, që pasi Wallis Simpson u martua me Mbretin Edward VIII, duke u detyruar që të heqë dorë nga froni gati 81 vjet më parë.
Çifti u takua për herë të parë në Londër, përmes disa miqve të përbashkët në korrik të 2016-s. Që prej atëherë janë vendosur në qendër të vëmendjes.
Markle e ka ballafaquar me qetësi zhurmën që u shkaktua pas zbulimit të lidhjes.
“Ka sfidat e veta dhe vjen me periudha , disa ditë mund të ndihet më sfiduese sesa ditët e tjera. Dhe ishte e çuditshme mënyra sesi ndryshuan gjërat. Por ende e kam këtë sistem përkrahjeje përreth meje, dhe, sigurisht, mbështetjen e të dashurit tim”, shprehet Markel gjatë intervistës për revistën “Vanity Fair”.
Si i trajton Markle absurditetet që shkruhen për të dhe Princ Harry-n?
“Mund t’ju them se në fund të ditës mendoj se është me të vërtetë e thjeshtë. Ne jemi dy njerëz që janë me të vërtetë të lumtur dhe në dashuri. Ne ishim duke u njohur (në një lidhje) për rreth gjashtë muaj para se të bëhej lajm dhe unë punoja gjatë gjithë kësaj kohe, dhe e vetmja gjë që ndryshoi ishte perceptimi i njerëzve. Asgjë rreth meje nuk ndryshoi. Unë jam ende i njëjti person dhe nuk e kam përcaktuar kurrë veten nga marrëdhëniet e mia”.
Aktorja Abigail Spencer, mikja e ngushtë e Markle, kur u pyet se nga çfarë Harry ishte tërhequr , tha:
“Ajo ka elegancë të veçantë edhe pse stili i saj është e vështirë të përcaktohet. Është klas dhe i përjetshëm. Kur flisni me të, ndiheni sikur jeni i vetmi person në planet. Dhe është e mrekullueshme ta shohësh atë kaq të dashuruar”.
Duke folur më tej për dashurinë, partnerja e Princ William thotë:
“Ne jemi një çift. Ne jemi të dashuruar. Jam e sigurt se do të vijë një kohë kur do të duhet të dalim përpara dhe të paraqesim veten tonë dhe themi historitë tonë, por unë shpresoj që njerëzit ta kuptojnë se kjo është koha jonë. Është pjesë e asaj që e bën kaq të veçantë, se është vetëm e jona. Por ne jemi të lumtur. Personalisht, unë e dua një histori të madhe dashurie”.
Burimi: Vanity Fair
