Ata do të jepnin premierën e këngës së tyre më të re “Mos m’le me ra” duke e interpretuar live në The Voice, por në momentin që Elinel kishte për të kënduar pjesën e tij, ai harroi tekstin e këngës dhe e la vetëm në skenë këngëtaren Besa Kokëdhima.
“Të gjithë juve që ju zhgënjeva, ju kërkoj ndjesën më të sinqertë, më së shumti Besës të cilën e braktisa në skenë në atë mënyrë. Për një moment nuk m’u duk vetja aq i denjë ta ndaja skenën me të. Është e vërtetë që supozohet të jem unë ai që dhuron emocione, mirëpo në këtë rast ndodhi e kundërta; ishin ato që më pushtuan mua.”
Ndërkohë, këtë ngjarje duket se nuk e ka parë me aspak hatërmbetje Besa, e cila ka replikuar me një koment në këtë status të reperit duke shkruar në gjuhën angleze: “Ndonjëherë ndodhin gjëra të këqija, por ne duhet t’i qëndrojmë pranë njëri-tjetri”.
Një ditë pas performancës kënga është publikuar në “YouTube” edhe me klip, ndërsa është pritur mirë nga fansat duke u veçuar për vargjet e veçanta të tekstit.
