Ditët e fundit ajo është një nga artistet shqiptare më të përfolura falë performancës, shpërthyese në festivalin “Europa Plus” të mbajtur në Moskë, ku ajo interpretoi edhe në shqip.
Por ndonëse ka vite që është pjesë e “showbiz”-it shqiptar, publiku di fare pak në lidhje me jetën private të Arilena Arës, ndaj një postim i saj i ri në “InstaStory” i ka bërë të gjithë të dyshojnë se këngëtarja mund të jetë në një lidhje dashurie.
Në foton në fjalë, këngëtarja e njohur shihet e kapur për dore me menaxherin e saj, Popi Kolën.
“Gjithmonë!”, shkroi Arilena në të, duke lënë të kuptohet se ata janë gjithnjë bashkë.
Por a do të thotë kjo se mes dyshes ka diçka më shumë se miqësi dhe marrëdhënie profesionale?
Ara dhe Kola janë përfolur edhe më parë për marrëdhënien e tyre, duke qenë se ata janë gjatë gjithë kohës pranë njëri-tjetrit, gjë që rrit gjithnjë e më tepër dyshimet se mes tyre mund të ketë një histori dashurie.
