Tea Trifoni ka qenë konkurrentja më e klikuar në internet për shkak të lidhjes së saj me Andin në “Për’puthen”. Ndarja e tyre u bë kryefjala e çdo medie rozë madje shumë njerëz dhe fansa të programit nuk e pritën mirë këtë lajm. E gjithë kjo famë, i dha më pas edhe shumë ‘followers’-a, reklama dhe kontrata pune. Së fundmi Tea është bërë pjesë e “Big Brother Vip Albania”, ku i është rikthyer historive të “Për’puthen. Në një bisedë me Ronaldon dhe Zhaklinën, ajo pranoi se gjithçka e ka bërë pë show, referuar lidhjesh me Andin.
“Se bëj më atë gjë unë e kam ngrënë një herë atë gjë. Për lojë e bëra atë te “Për’puthen”. Historia që u shfaq në show, ishte e gjitha show. Ne ishim miq na ecte muhabeti si miq por kaq. Unë e bëra atë lojë si me zor, nuk më pëlqeu, ishte një gjë që e bëja me shtysa”– tha Tea.
E pyetur se pse e bëri, Tea tha: “Isha shumë e re, nuk i kuptoja shumë gjëra. Nuk kisha fare eksperiencë të tillë, nuk e kisha idenë si funksionon televizioni. Prindërit e dinin që ishte aktrim, u mërzitën e u mërzita unë.”
Sa i përket Beartit, për Tean ai tashmë është diçka që i përket të kaluarës.
“Për mua është diçka që është mbyllur para tre viteve edhe zgjati vetëm tre muaj”-u shpreh banorja e “BBV.”
Kujtojmë se pas largimit nga “Për’puthen”, ajo u bë pjesë e emisionit më të ri “Goca dhe Gra”. Edhe pse ishte pjesë e disa episodeve që u zhvilluan, më vonë u mësua se ajo nuk do të ishte më pjesë e programit.
