Në një tjetër seancë pyetje- përgjigjesh në Instagram, Isli Islami nuk ngurroi të provonte me prova se nuk ka bërë ndonjë ndërhyrje për të tërhequr veshët.
“Veshët i ke bërë, se kur transmetoje lajmet i kishe si antena?”, ishte pyetja e një ndjekësi në Instagram, të cilit moderatori i “Wake Up” i ktheu një përgjigje sarkastike:
“Si antena mos i ke patur ti, se unë i kam shumë të bukur veshët. E ke gabim.”
Në një vazhdë postimesh sarkastike për të treguar se ndjekësi e kishte gabim, ai publikoi foto nga koha kur jepte lajmet në “Top Channel” dhe ku veshët i duken… epo, jo si antena.
Duhet thënë se sarkazma është pika më e fortë e Isli Islamit. Sa herë i bëjnë pyetje që kanë të bëjnë drejtpërdrejt me personalitetin apo pamjen, ka një përgjigje sarkastike gati pra, duket sikur e ka seriozisht por në fakt nuk e ka seriozisht. Apo mos e ka seriozisht?
Para disa ditësh, i pyetur nëse është egoist, ai u përgjigj:
“Jam egoist, i ndyrë, njeri i keq, banal, hakmarrës, egocentrik etj. etj.”, shkruajti Isli, “Të gjitha të zezat i kam”
