Dyshonin se e helmuan qëllimisht, familjarët e Rezarta Hajdarit reagojnë pas rezultatit të autopsisë

Vetëm 5 ditë pasi u martuan, Rezarta dhe Olsi Hajdari u helmuan nga monoksidi i karbonit, i përhapur në dhomën e tyre nga mangalli me prush.

Olsi arriti të shpëtonte pasi u dërgu në spital, ndërsa 19-vjeçarja Rezarta Hajdari humbi jetën.

Lexo edhe :

U përjashtua nga BBV pas largimit nga muri, Kristi Lamaj: Kjo ishte mënyra që të dilja i larë në flori

13:27 22/02/26

E rëndë në familjen shqiptare në Itali, djali dhunon nënën në ditën e lindjes së tij dhe më pas hidhet në det

13:14 22/02/26

Familjarët e Rezartës dyshonin se vajza ishte helmuar qëllimisht.

“Nuk i pranoj njerëzit e Olsit të më vijnë në shtëpi. Ata më helmuan motrën. Të hetohet e vërteta”, shprehej vëllai i Rezartës.

Mirëpo, pas përgjigjes së autopsisë ku thuhej se 19-vjeçarja u helmua nga monoksidi i karbonit si pasojë e prushit në dhomë, familjarët kanë ndryshuar mendje.

Në një lidhje telefonike me “Report Tv”, vëllai i Rezartës, Reshit Xibraku, ka treguar se është dakord me ekspertizën e mjekëve dhe nuk ka më dyshime për vdekjen e motrës së tij.

“Analizat i mora. Jo nuk kam asgjë për të thënë. E pranoj se është helmuar nga mangalli.” – është shprehur Xibraku.