Shqipëria u zgjua ditën e sotme në panik dhe terror, si pasojë e një tërmeti shumë të fuqishëm me magnitudë 6.4 ballë.
Zonat më të prekura janë Durrësi, Thumana dhe Tirana.
Deri më tani raportohet për 7 viktima dhe 22 persona që janë nxjerrë nga rrënojat.
Ky ishte tërmeti më i fuqishëm i 30 viteve të fundit.
Një nga zonat më sizmike në Durrës është edhe ajo që njihet si “Kanali i Kuçedrës”, që ndodhet në Gjirin e Lalzit.
Sipas një legjende urbane thuhet se aty kanë rënë mbi 500 tërmete brenda 3 ditëve.
Sipas legjendës, një ditë me shi kuçedra doli nga deti për t’i shpëtuar rrufeve dhe më pas tre dragonj e ndaluan që të mos bënte dëme më tej.
Ky kanal shkarkon ujrat e kënetës në det dhe sipas gojëdhënave, ekziston prej 3 shekujsh.
Uji që del prej aty është me flluska ajri, që do të thotë, se ka shkarkim të energjisë së nëndheshme.
Kanali i Kuçedrës ndodhet në mes të Gjirit të Lalëzit në distancë të barabartë nga Kepi i Rodonit dhe Bishti i Pallës.
Ky kanal ka marrë edhe jetë njerëzish, të cilët futen për t’u larë në det.
Megjithatë problem kryesor, është se kanali është mbushur me mijra metër kub beton, duke u bllokuar totalisht dhe energjia nëntokësore nuk ka ku të shkarkohet
Kjo mendohet të jetë edhe një nga arsyet, se përse kjo zonë është shumë e prekur nga tërmetet.
Ky skandal është denoncuar edhe nga ish-kryeministri Sali Berisha, i cili ka shkruar para disa kohësh, se gropa gjigande është mbyllur nga një biznesmen i fuqishëm ndërtimi./ gazetareforma
