Dy nxënës shqiptar në Leheo të Korinthit në Greqi, kanë vënë shkollën në alarm, pasi dyshohet se kanë koronavirus.
Dy vëllezërit kanë shfaqur simptoma të ngjashme me njëri-tjetrin, si kollë dhe temperaturë.
Ata më herët kishin qenë në një udhëtim në Shqipëri, ku ishin takuar me babanë e tyre, i cili jeton në Italinë Veriore, zonë e cila është zonë e prekur nga koronavirusi.
Mjekët e spitalit të Korinthit kanë qetësuar mësuesit dhe prindërit, duke thënë se nxënësit kanë simptoma të lehta.
Këshilli i prindërve ndërkohë kërkon që të mbyllet shkolla urgjentisht.
Aktualisht në Greqi numërohen mbi 30 të infektuar me koronavirus./Gazetareforma
