Jemi në atë periudhën e vitit, ku ndjejmë më shumë dashuri, por edhe falim më shumë. Jemi të rrethuar me shumë njerëz dhe drita. Dhe pikërisht në kohën e dhuratave! Surprizat që bëjmë dhe na bëjnë i japin një kuptim tjetër këtyre ditëve. Por ndërsa orët e fundit të këtij viti duket sikur ecin kaq shpejt, duhet ende të bëjmë pakot tona të dhuratave për t’i vendosur poshtë Pemës së Vitit të Ri për familjen apo të bëjmë për të buzëqeshur personin tonë special.
Blerjet online në dyqanet në Shqipëri janë zgjedhja perfekte. Nuk shpenzoni kohë për të gjetur dhuratën ideale dhe në rast se produkti nuk i përshtatet personit që do të gëzoni këtë fundvit, atëherë keni mundësinë ta ktheni brenda një afati të caktuar kohor. Për shumë prej jush të cilët ende nuk janë mësuar me këtë praktikë, ka ardhur momenti që të familjarizoheni.
Në një bisedë me menaxheren e dyqanit online “ebuy.al”, Iralda Mitro, konsultohemi edhe si lexues se çfarë duhet kemi parasysh kur blejmë nëpërmjet internetit. Mitro na vë në dijeni se tendenca e blerjeve online dy vitet e fundit në Shqipëri ka patur një përhapje të gjerë në të gjitha format dhe mënyrat e mundshme.
“Rritja vërehet si tek partnerët që tregtojnë produkte, ashtu edhe tek konsumatori. Çdo ditë e më tepër konsumatori shqiptar pëlqen avantazhet që i ofron blerja online. Produkti vjen në adresën që dëshiron, analizën e çmimit dhe cilësive të produktit e kryen në qetësi dhe pa asnjë presion nga shitësit. Dizavantazhin që klienti nuk e ‘prek’ produktin dhe pasigurinë paraprake për ta blerë, e kemi zgjidhur tashmë me mundësinë për ta kthyer produktin brenda një afati kohor”, thotë Iralda.
Ndërsa e vëmë theksin te një nga shqetësimet e shumë prej blerësve, “A është origjinal dhe cilësor produkti që po paguaj?”, Mitro shprehet se ka një mundësi se si të devijosh produktet jocilësore: të marrësh informacion për mallin që blen. “Mund të them që tregtimi i imitimeve është një nga pengesat e rëndësishme të zhvillimit normal të tregtisë online në Shqipëri. Megjithatë, gjithmonë e më tepër vihet re një ndërgjegjësim si nga ana e furnitorëve, ashtu edhe nga vetë klientët / blerësit drejt blerjeve të markave origjinale”.
Nuk janë të shumtë dyqanet online që ofrojnë marka origjinale, ndërsa veçojmë “ChicRegime”. Filozofia e “ChicRegime” është të rritë besnikërinë e blerësve ndaj markave që ofrojnë një përvojë të lartë të cilësisë. Qëllimi i tij është që t’i bëjë blerësit të ndihen unikë falë produkteve të tij origjinale, pasi në fund të fundit, njerëzit blejnë marka që i bëjnë ata të ndihen më mirë me veten e tyre.
Më tej Iralda veçon edhe disa faktorë të tjerë që e kanë dëmtuar sektorin e shitjeve online: “ Hapja dhe zhvillimi i aktivitetit nga persona të palicencuar, të pakualifikuar, informaliteti, cilësia e dobët, etj, të cilët kanë bërë që të rritet mosbesimi edhe ndaj kompanive të mirëfillta si ebuy.al. Na është dashur shumë punë për vite me radhë për ta çrrënjosur këtë mentalitet dhe mosbesim, dhe besojmë se ja kemi arritur qëllimit, për të zgjeruar klientelën duke i ofruar shërbim model në çdo aspekt.”
Si menaxhere e një dyqani online, por nga ana tjetër si një kliente, askush më mirë se ajo nuk është e informuar lidhur me blerjet nga interneti. Ndaj ne e pyesim se cili është kriteri kryesor për gjërat që dëshiron të blejë?
“Unë jam një kliente pak më e specializuar, për shkak të fushës që drejtoj dhe prekja e vazhdueshme me të gjitha problematikat. Jam kritike e fortë e produktit dhe përzgjedh kompanitë e specializuara përkundrejt dikujt që e ofron më lirë të njëjtin produkt, por nuk ofron lehtësitë dhe shërbimin cilësor që meriton një klient. Pra, si kritere kryesorë kur vendos të blej diçka veçoj: Cilësinë e produktit dhe shërbimin e mirë nga ofruesi”.
Por çfarë na këshillon Iralda Mitro që të kemi parasysh kur bëjmë një blerje online…
“Për mua primare në blerjet online, është të lexojnë me vëmendje dhe informohen paraprakisht për produktin që po porositin, si madhësia, ngjyra, materiali, garancia, përdorimi, koha e përgatitjes, etj. Nga eksperienca, nuk ka ndjesi më negative sesa mbërritja e një produkti ndryshe nga pritshmëritë. Nëse produkti ju duhet në një afat të caktuar, ta porositin në avancë dhe të qëndrojnë të informuar për statusin e porosisë. Të tregohen të kujdesshëm ndaj bizneseve informale, të cilët mund të tentojnë që të mashtrojnë klientin”.
Tani besojmë se do ta keni më të lehtë që të “përqafoni” mundësinë që ju jep teknologjia dhe të nisni blerjen për të trajtuar veten apo të afërmit tuaj me dhurata për festat e fundvitit. Dhe mos harroni: “Të dukesh mirë është e rëndësishme, por të ndihesh mirë është bërë sot mënyra më e re e të ndjerit mirë dhe sa më mirë të ndihesh, aq më mirë do të dukesh”.
Burimi: Iconstyle
