Pak nga pak po bëhet 1 vit nga dita që kur koronavirusi mbërriti në vendin tonë dhe detyroi shumë institucione e biznese të mbyllnin dyert. Mirëpo ndërkohë që të gjithë i janë kthyer normalitet, institucionet e kulturës vazhdojnë të qëndrojnë të mbyllura. Kanë kaluar edhe 10 ditë nga fillimi i Vitit të Ri dhe këto institucione nuk kanë ende asnjë plan konkret se çfarë do të ndodhë me to dhe si mund t’i frekuentojnë njerëzit në këto kohë pandemie.
Sallat e teatrove janë mbyllur prej kohësh dhe mbahen gjallë vetëm përmes shfaqjeve të regjistruara që transemtohen online në rrjete sociale. Disa prej tyre bëjnë vetëm postime in-memoriam dhe ka një mungesë të theksuar përpjekjeje për premiera të reja.
Teatri Kombëtar i Operas dhe Baletit nisi vitin e ri me shfaqje të transemtuara në ladwall-et e vendosura para ballinës së institucionit. Koncerti i realizuar nga artistët për festat e fundvitit u transmetua në televizion dhe u prezantuan në çdo cep të rikonstruktuar të teatrit, holle pritëse, korridore, salla të orkestrës, deri edhe në ballkon të operës, përveçse në sallën kryesore.
Ndërsa Muzeu Historik Kombëtar, në pritje për të rikuperuar xhamat e thyer nga protestat e dhunshme të dhjetorit, ka nis punën për çeljen e një ekspozite ikonografike. Kurse në Galerinë Kombëtare të Arteve vazhdon që të jetë çelur ekspozita me rreth 500 vepra nga fondi i këtij institucioni realizuar para ’90-s, si grafika, piktura dhe skulptura.
