Louis Tomlinson ka reaguar për herë të parë në rrjetet sociale që kur motra e tij më e vogël, Felicite, ndërroi jetë muajin e kaluar.
Në një postim në Twitter ish-anëtari i “One Direction” falenderoi fansat e tij për mbështetjen e tyre:
“Vetëm dëshiroja t’ju falënderoja të gjithëve për fjalët tuaja të bukura gjatë dy javëve të kaluara. Shumë dashuri për ju”!
Autoritetet e gjetën Felicite pa ndjenja më 13 mars në banesën e saj, pasi dyshohet se kishte kaluar një ata kardiak.
Përfaqësuesi i Louis më pas konfirmoi për “Us Weekly” se shkaku i vdekjes ishte ataku në zemër.
Vetëm dy vjet më parë, nëna e Louis, Johannah Deakin, vdiq pas një beteje të gjatë me leuçeminë. Ai publikoi një këngë për marrëdhënien e tij me nënën e tij vetëm dy ditë para vdekjes së motrës së tij të vogël.
Kënga e titulluar “Two of Us”, ka të bëjë me faktin që ai e jeton jetën me kujtimin e saj.
“Nuk do ta dish kurrë sesa më ka marr malli/ Ditën që të morën, do të doja të isha unë në vendin tënd/ Do ta jetoj jetën për ne të dy”, thotë mes të tjerash Louis në tekstin e këngës.
