Një tjetër gjë që tërhoqi vëmendjen gjatë ndeshjes së djeshme, ishte padyshim imazhi i dy shqiptareve Rike Roci dhe Irid Oxa. Rikja, ish-banorja e “Big Brother 6”, dhe shoqja e saj më pak e njohur për publikun, kanë udhëtuar drejt Marsejës për të ndjekur ndeshjen dhe për t’u bërë imazhi i saj.
Dy bukuroshet nuk tërhoqën vetëm vëmendjen e fansave aty pranë, por edhe të mediave botërore. Një nga fanepage-t më të njohura të futbollit, “Trollfootball” shkruan krah fotos: “Jepini këtij kameramani një medalje”.
Mediat italiane shkruan se zhgënjimi i humbjes u zëvendësua menjëherë nga prania e dy bukurosheve në stadiumin “Velodrome”. “A është ky një parashikim për ndeshjen e sotme”, komenton faqja “Chiamarsi Bomber”.
Edhe gazeta greke “Protothema” i dedikoi sot një artikull: “Ne mund të themi se dy ‘armët vdekjeprurëse’ ishin tifozet seksi në shkallët e stadiumit, ku e gjithë vëmendja u fokusua tek to. Është për të ardhur keq që në fund nuk u larguan të buzëqeshur. Por ne jemi të sigurt se ka shumë veta që dëshirojnë që Shqipëria të kalojë në fazën tjetër, që të kemi mundësi të admirojmë bukuritë e tyre në tribunë”.
Ndërsa portali kroat “Index.hr” shkruan, “Nuk duhet më tutje t’i përshkruajmë, shijoni”.
