Nuk janë të pakta rastet kur kemi dalluar një ngjashmëri mes personazheve të njohur shqiptarë. Pavarësisht se me ndihmën e ndërhyrjeve plastike, makijazhit apo stilit, shpesh dallojmë ngjashmërinë e çuditshme mes tyre.
Ndoshta dikë tashmë e bashkon ndonjë tipar ose është hija ajo që na bën të kujtojmë dikë, teksa shohim një tjetër.
Disa mund t’i bashkojë profesioni, ndërsa disa i bashkon vetëm mendimi që keni krijuar ne për imazhin e përafërt, të tyre.
Dhe arsyeja që ne zbuluam ngjashmërinë mes këngëtarit shqiptar Ermal Meta dhe këngëtares amerikane me origjinë italiane, Laura Pergolizzi, ishte momenti kur u ngjitën në skenën e Festivalit të Sanremos, që u mbajt në shkurt të 2017-s.
Tashmë duke kujtuar atë mbrëmje dhe duke krahasuar imazhet e tyre mund të dallojmë, një ngjashmëri për t’u habitur, sa nuk është e çuditshme të mendojmë se: janë ndarë pas lindjes.
Flokët me kaçurrela që u pengojnë sytë, imazhi elegant, bardhësia e lëkurës dhe tiparet na bëjnë të mendojmë se janë identik.
Të dy kanë lindur në vitin 1981, Meta në Shqipëri, ndërsa Laura Pergolizzi e njohur në muzikë me inicialet LP, ka lindur në Nju-Jork.
Artistët janë praktikisht identik, në sajë të pamjes androgjene të LP-së dhe fizikut të dobët të Metës.
Ngjashmëria tjetër dallohet edhe në stilin e tyre të veshjes serioze, sepse preferojnë këmishat dhe kostumet.
Prit, se na u kujtua dhe një person tjetër me të cilin ka disi ngjashmëri: gazetari Eni Shehu.
Nuk ju duket edhe juve sikur ngjajnë?
Burimi: Iconstyle.al
