Nuk mund të kishte një lajm më të mirë sot që shqiptarët festojnë ditëlindjen e dhjetë të Kosovës. Atletja shqiptare, Luiza Gega ka rrëmbyer medaljen e artë në Mitingun Ndërkombëtar të Sallave të Mbyllura, duke e mbyllur e para garën ballkanike në 3000 metra.
Në Stamboll të Turqisë, kampionia shqiptare shënoi kohën më të shpejtë 9 minuta e 06 sekonda, duke mposhtur rivalet e tjera. Një vit më parë po në Stamboll, atletja 29-vjeçare mori medaljen e artë në garën e 1500 metrave me kohën kohën 4:06:65.
Por lajmi i mirë nuk përfundon me kaq, pasi kampion u shpall edhe Izmir Smajlaj në kërcim së gjati, duke kapur rekordin prej 7,80 m.
