Janë konfirmuar dy raste të reja me koronavirus në Elbasan, duke e çuar numrin e të infektuarve jozyrtarisht në 148.
Burime për “ABCnews.al” bëjnë me dije se dy personat e konfirmuar me COVID-19 janë vëllezër.
Dy të infektuarit janë në një moshë të re, përkatësisht 22 dhe 25 vjeç, të cilët aktualisht janë karantinuar në shtëpinë e tyre.
Gjithashtu bëhet me dije se dy të infektuarit janë djemtë e pacientit 62-vjeçar, që rezultoi me COVID-19 ditën e djeshme.
Ndërkohë, mbrëmjen e djeshme, një paciente 71-vjeçare ndëroi jetë në spitalin Infektiv në Tiranë.
Lajmi është konfirmuar nga ministria e Shëndetësisë, sipas së cilës gruaja vuante nga hipertensioni dhe ishte e shtruar prej 7 ditësh në spitalin Infektiv. Sakaq, numri i viktimave në vend ka shkuar në 6, ndërsa 17 pacientë janë shëruar plotësisht.
/ABCNews
