Real Madrid ka njoftuar në faqen zyrtare se Casemiro dhe Eden Hazard kanë rezultuar pozitivë për Covid-19, të premten, në mëngjes.
Të gjithë lojtarët e tjerë të ekipit dhe stafi trainues, si dhe punonjësit e klubit që punojnë drejtpërdrejt me skuadrën u testuan negativisht.
Casemiro dhe Hazard do bashkohen me Militao, i cili doli pozitiv një javë më parë. Edhe Odriozola, Carvajal dhe Nacho janë të dëmtuar.
Real Madrid do përballet me Valencia këtë të diel dhe nuk do të jetë në gjendje të mbështetet te këta gjashtë lojtarë, që do të thotë se ‘los blancos” do të ketë mungesa të rëndësishme. Teksa një fitore do ishte e domosdoshme për ta kundër Valencias.
Casemiro dhe Hazard nuk do të udhëtojnë për të luajtur për kombëtaret e tyre dhe potencialisht mund të jenë gati për ndeshjet e ardhshme të Real Madridit pas ndeshjeve ndërkombëtare.
