Autoritetet në Tiranë janë duke diskutuar dy vende të ndryshme ku mund të ngrihet karantinë në rast se paraqiten raste të Koronavirusit në vendin tonë.
Burime të “Top Channel” thonë se janë dy vende që po diskutohen.
Plani i parë është boshatisja e godinës së shërbimit infektiv në QSUT dhe trasferimi i pacientëve drejt spitaleve të tjera.
Një tjetër vend që është menduar është në pjesën jugore të Tiranës, larg zonës së banuar. Por ende nuk dihet nëse godina që është planifikuar është pajisur me infrastrukturën e nevojshme dhe shërbimet e kërkuara.
Karantina ngrihet në ato raste që do të dyshohen se janë prekur nga koronavirusi për t’i mbajtur ata të veçuar nga njerëzit e tjerë.
Numri i të vdekurve nga Koronavirusi në Kinë ka arritur 1669 ndërsa është konfirmuar edhe vdekja e parë në Evropë.
/TCH
