Elvana Gjata dhe Liberta Spahiu nuk kanë thuajse asgjë që i lidh, me përjashtim të ish-partnerëve.
Këngëtarja dhe moderatorja pavarësisht se kanë një shoqëri të përbashkët, asnjëherë nuk kanë pozuar krah njëra tjetrës apo nuk kanë bërë dedikime për njëra-tjetrën.
Deri më dje, kur Liberta vendosi që të postonte një imazh nga intervista e Elvanës, para koncertit të saj për 11-vjetorin e Pavarësisë së Kosovës.
“Intervista e parë e Elvanës pas disa muajsh mbi koncertin sonte dhe planet e së ardhmes në karrierë”, shkroi në mbishkrimin e fotos moderatorja nga Kosova.
Madje më pas ajo postoi edhe një moment nga performanca e Elvanës, në momentin që ajo këndonte “Xhamadani vija-vija”.
Të dyja personazhet e njohur të ekranit janë përfolur për lidhje me reperin Getoar Selimi dhe këngëtarin Flori Mumajesi.
Liberta dhe Elvana nuk pranuan në asnjë moment lidhjen me këtë të fundit, i cili pak muaj më parë u mësua se i dha fund romancës me moderatoren.
Këto postime prej saj dëshmojnë se, marrëdhënia me këngëtaren është e qetë dhe nuk është çudi që të bëhen mike.
Burimi: Instagram
