Aktorja Adriana Matoshi njoftoi pak ditë më parë për të gjithë ndjekësit e saj në rrjete sociale se i ishte rikthyer sërish tumori në tru pas nëntë vitesh, ndaj të mërkurën duhet të përballej me një sfidë për jetën e saj.
“Tash 9 vite ma vone, tu mos pushu kurre sa duhet, m’kapi lodhje prej angazhimeve te mija te shumta, stresi i akumulum mrena, mbingarkesat, krejt kto m’bonen me menu qe e kom tepru. Ja kom thy limitet vetes. Po aty e kuptova qe tumori ne tru ish rikthy prap”, shkruante Matoshi.
“Te merkuren duhna prap me u perballe mes jetes edhe vdekjes, ama e di qe rrugetimi jem ka me vazhdu se osht shume i gjate. Kom shume qytete t’botes pa i pa, shume skena te filmit pa shkele, shume role pa lujt, i kom fmite qe duhna me i bo t’zot e vetes… I falenderoj nga zemra krejt doktoret profesionist me te cilet bashke kemi me luftu edhe ksaj here. E falenderoj Zotin qe n’krejt kto sfida po m’jep force e vullnet. Une e kom besimin e plot te fuqia e tij edhe lutjet tuaja. Besoj qe ne fund t’javes kom me u çu me sukses edhe kom me ju kthy komente pozitive krejt lutjeve t’juja edhe komenteve plot dashni”, vazhdonte ajo më tej.
Shumë personazhe të njohur, artistë e qytetarë shprehën mbështetjen për të dhe marshuan në Prishtinë, mes tyre edhe këngëtarja e njohur Dafina Zeqiri e deputetë e kolegë të Adrianës.
Adriana u përball të mërkurën me sfidën e madhe të jetës së saj dhe fatmirësisht çdo gjë shkoi siç duhet. Partneri i saj Keith i falenderoi të gjithë për mbështetjen, teksa tregoi se operacioni përfundoi me sukses, ndërsa ndjekësit vazhdojnë të jenë në merak për gjendjen e Adrianës.
Kështu, një mikeshë e saj ka treguar për “KlanKosova.tv” se aktorja është mirë dhe në gjumë, nën efektin e terapisë pas operacionit.
“Është mirë, në gjumë, nën efektin e terapisë pas ndërhyrjes. Po kujdesem për të gjatë gjithë kohës, së bashku me familjarët e saj”, është shprehur ajo.
