Në sezonin e katërt të Big Brother VIP, dy banorët e rinj, Daniela, modele dhe Petro, producent muzikor, i janë bashkuar shtëpisë, duke sjellë një dinamizëm të ri. Për t’i mirëpritur, Vëllai i Madh ka zgjedhur Xumin dhe Eglin, të cilët i kanë shpalosur dhuratën që do të prezantonin dyshen e re.
Neda, ka shprehur mendimin e saj për Petro, duke e cilësuar si një djalë simpatik, me një strategji të qartë dhe që do të sjellë një lloj ndryshimi në shtëpi. Ajo gjithashtu ka theksuar se Xumi mund të ketë humbur disa mundësi për të krijuar lidhje me Eglin.
Sa i përket Danielës, Neda është e impresionuar nga kombinimi i bukurisë dhe intelektit të saj, pasi, përveçse është modele, ajo ka studiuar shkenca politike. “Do të jetë një vajzë që do të japë mendime të thella dhe ka një prezencë të jashtëzakonshme,” tha Neda.
Arbri, nga ana tjetër, është kurioz të shohë se si dy banorët e rinj do të integrohen në grupin ekzistues. Ai i konsideron ata personazhe interesante, por mbetet për t’u parë se si do të përshtaten dhe krijojnë marrëdhënie me banorët e tjerë të shtëpisë.
