Një qenushe, të cilës i është hedhur acid në fytyrë në Iran, i është dhënë një mundësi e dytë për të jetuar në Kanada.
Mugsy-t i ra acidi kur ishte vetëm 6-javëshe, duke i djegur pjesën më të madhe të fytyrës dhe duke bërë që të humbte një sy, një vesh dhe hundën.
Pavarësisht se familja e saj në Iran e donte, ata nuk mund të përballonin kostot e operacionit, kështu që vendosën që ta braktisnin.
Por një vullnetare vendosi të adoptonte qenushen dhe të paguante shpenzimet për operacionet që duhet t’i nënshtrohet. Sam Taylor pa një reklamë në internet për qenushen, që kishte nevojë për trajtim dhe nuk ndalte dot së menduari për të.
“Ajo duket si Voldemort, por ka një zemër si Harry Potter dhe miqtë e tij. Fotot e saj ishin shumë të rënda. E lexova historinë e saj dhe doja ta ndihmoja. Por tani ajo është shumë e përkëdhelur”, shprehet Sam.
Muajin e ardhshëm ajo do t’i nënshtrohet operacionit të tretë, për të bërë një ndërhyrje në hundë dhe në njërin vesh. Operacioni kushton 7.000 dollarë.
Burimi: Daily Mail
