Përveç ngjarjeve e dinamikave të personazheve VIP brenda shtëpisë më të famshme në Shqipëri, ajo që komentohet shpesh është edhe veshja e prezantueses Arbana Osmani.
Arbana e ka treguar se kujdeset me detaje për pamjen e saj dhe mundohet të jetë sa më “in”, por Lori Hoxha ka rrëfyer se mbetet këshilluesja e saj numër 1 përsa i përket veshjes.
Santana Çomora, sipërmarrëse dhe kryeredaktore e revistës “Living”, ka komentuar veshjet e personazheve të famshme gjatë javës për faqen “Albania Street Style” dhe ka zgjedhur Arbanën si të veshurën më keq.
“Aq sa më pëlqen në jetën e përditshme të pakta janë rastet që shkëlqen në skenë. Nuk di nga ta nis komentin nga poshtë lartë apo nga lartë poshtë. Këpucët me plaformë të tmerrshme. Fustani i ngjashëm me të Emily in Paris 2 ku Emily ka ditëlindjen po më duket si një kuti festive ose më mirë të them si fustanet e qëmotit të mbremjeve të maturës. Të paktën të ishte bust, jo me rripa. Ai mund të jetë i bukur, por nuk i përshtatet fizikut të saj ”, ka shkruar Samanta në një foto në InstaStory.
Arbana dhe Lori e kanë një përgjigje ironike për Samantën.
Sot moderatorja ka ndarë momente me mbesën e saj dhe zhvilloi një pyetësor me fansat sesi iu dukej veshja e vogëlushes dhe publikoi përgjigjen e Lori Hoxhës.
“Më mirë pa mëngë. Hahahahaha ai mund të jetë i bukur po jo për fizikun e saj”, ka shkruar Lori duke ironizuar komentin e Samantës.
