Ish-bashkëshorti i Katie Price, Kieran Hayler i është kthyer keq modeles për shkak të disa ndërhyrjeve plastike që ajo ka bërë së fundmi në fytyrë. Ai është shprehur se për fëmijët e tyre duhet të jetë shumë e dhimbshme dhe e frikshme që ta shohin nënën e tyre në atë gjendje. Katie dhe Kieran kanë 2 fëmijë, Jett dhe Nunny njëri 7 vjeç e tjetri 6.
Shqetësimi i Kieran vjen pasi modelja ju nënshtrua 5 ndërhyrjeve në Turqi këtë muaj, duke përfshirë ngritje buzësh, liposuction, ngritje vithesh, duke i shkaktuar shumë dhimbje dhe shenja në fytyrë e trup.
“Në këtë ditë dhe në këtë moshë nuk e di çfarë është limiti. Ndërhyrjet janë bërë diçka shumë e zakonshme për vajzat dhe djemtë e rinj, njoh burra që bëjnë botox rregullisht, por unë jo. Ndoshta në të ardhmen mund ta bëj kur të kem më shumë rrudha në fytyrë do e mendoj.
Gjëja më e vështirë është se Jett dhe Bunny, por edhe Princess e Junior, duhet ta shikojnë atë pas ndërhyrjeve, që nuk është një proces aspak i bukur. Është e frikshme, sepse kur e sforcon trupin aq shumë, të bësh anestezi, gjërat shkojnë keq dhe duhet të mendosh për fëmijët ndonjëherë”, është shprehur ai për “Daily Mail”.
Ndërsa Katie vetë është shprehur:
“E di që është e lehtë të bëhesh e varur. Mund të jetë e frikshme për fëmijët, duhej të fshihja trupin tim nga fëmijët për javë të tëra, sepse ata më thoshin ‘Mami, ti do vdesësh?”.
