Një debat ka shpërthyer mbrëmjen e djeshme në “BBV Kosova” mes disa banorëve. Shkak është bërë veshja e disa konkurrenteve brenda shtëpisë.
Xhuli ishte një ndër konkurrentet që solli në vëmendje edhe kritikën e Stresit ndaj saj, ku reperi i kishte thënë se ajo “vishet në mënyrë provokuese”.
“Jam pak e befasuar nga Stresi. Por s’ka gjë se ma ka thënë edhe në sy. Kështu rri edhe në shtëpinë time, prandaj rri edhe këtu. Në qoftë se unë ndjehem mirë me veten time, nuk kam nevojë për përmirësime”, theksoi Xhuli.
Mirëpo, menjëherë ndërhyri Shota Baraliu. Ajo tha:
“Ne jemi në mesin e kamerave 24 orë. Nuk po më pëlqen shumë herë veshja e brendshme e femrave, pa sytjena. Del para meje më tregon muhabet serioz dhe shihet komplet, unë nuk mund t’i kthej përgjigje. Nuk është etike. Nuk mundem që t’iu përzihem. Nuk po më duket mirë mua si femër. Duken aq keq, unë si femër ndihem keq. Imagjino meshkujt se si ndihen”.
Por direkt Ana Kabashi reagoi dhe u hodh në sulm.
“E gjithë bota po lufton për të pasur barazi. Çfarë po flet ti ne duhet të mbrohemi prej meshkujve për këtë koment, e ti femër je. Nuk dua të vesh sytjena. Nëse mua më pengojnë sytjenat nuk dua që t’i vesh. A mund t’i përmendi. A bën që të flas. Rri me djem. Mos na shiko”, shtoi ndër të tjera Ana.
