Mad Clip, reperi i njohur me origjinë greke, ndërroi jetë pak ditë më parë pas një aksidenti automobilistik në Vouliagmeni, Athinë. Makina “Porsche” që po ngiste, devijoi nga rruga dhe u përplas në një shtyllë.
Përplasja ishte shumë e fortë pasi mjeti u shkatërrua plotësisht dhe madje grupit hetimor iu desh kohë të zbulonte që viktima ishte reperi, emri i vërtetë i të cilit është Peter Anastasopoulos. Mediat fqinje raportojnë se shërbimet zjarrfikëse u përpoqën me orë të tëra për të nxjerrë trupin nga automjeti.
Ndërkohë mediat greke kanë publikuar momentet e fundit të jetës së reperit, që shfaqet duke lëvizur në rrugë me shpejtësi skëterrë. Videoja është kapur nga kamerat e sigurisë dhe në të është regjistruar momenti kur Mad Clip humbet kontrollin e makinës dhe më pas përplaset me një shtyllë. Në video shihet dhe një makinë nga pas që shtyp frenat, duke tentuar që t’i shpëtojë ndonjë përplasjeje. Ky moment i kapur nga kamerat po shqyrtohet për të zbuluar shkaqet e aksidentit tragjik.
https://www.youtube.com/watch?v=aHMZ_LU-sRk
Lajmi për ndarjen nga jeta e të Mad Clip trishtoi të gjithë miqtë dhe bashkëpuntorët e artistit të ndjerë. Partnerja e tij, modelja e njohur Anna Maria Iliadou, i tha lamtumirën e hidhur Mad Clip-it përmes një postimi në Instagram.
Ajo shkroi në një sfond të zi shkroi “RIP Mad” duke vënë pranë një pëllumbi të bardhë dhe një zemër të thyer, që tregon gjithë dhimbjen e madhe që ajo ndjen në këto momente.
