Vetëm dy ditë më parë, Ledri Vula lançoi këngën e tij më të re të titulluar “Prej inati”, një projekt shumë ritmik të që bën të kërcesh.
Kënga u pëlqye shumë nga publiku, mirëpo ata që e shijuan më së shumti ishin dy gjyshërit e Ledrit, të cilët ai na i ka prezantuar në mënyrën më fantastike sot në Instagram!
Vetëm pak më parë, reperi ndau një video të gjyshërve të cilët po kërcenin teksa “Prej inati” luhej në sfond dhe duhet ta pranojmë se video më të ëmbël dhe “cool” njëkohësisht s’kishim parë!
Duket se ata e shijojnë në maksimum këngën e nipit dhe janë fansat e tij më të zjarrtë.
Fillimisht në video shfaqet gjyshja e Ledrit, e cila imiton lëvizjet e nipit të saj, ndërsa pas gjyshes vëmendjen e merr gjyshi, me lëvizjet e tij që e kanë bërë të qeshin reperin.
“Kur jam i lodhur ose pa humor, ndërroj dhomë dhe qëndroj me dy personat më pozitivë në jetën time. Gjyshërit e mi, gjithmonë të gatshëm për të kërcyer me çdo këngë timen.”- shkruan reperi.
Mos e humbisni videon më të bukur të ditës!
https://www.instagram.com/p/B89UMxDh0iN/
