Dy ditë më parë, ndjekësit e Anës dhe Arsimit vunë re disa detaje, që i bënë të dyshonin se çifti i kishin dhënë fund lidhjes së tyre. Si fillim, ishte Ana ajo që ngriti aludimet për ndarje, pasi u shpreh se ishte konfuze për ndjenjat e saj.
“A ndjen dashuri për ndonjë?”, e pyeti një nga ndjekësit.
“Të jem e sinqertë, nuk e di, ndoshta ose po…jam pak konfuze dhe besoj kam të drejtë”, iu përgjigj Ana.
Më pas edhe Arsimi ka bërë një deklaratë që shumë e kanë përkthyer si një thumb kundrejt Anës. Ai ka ndarë një foto nga çmimet “Oscars” dhe përkrah ka shkruar:
“Unë personalisht ju prezantoj këtë çmim dhe ju të gjithë keni diçka të përbashkët, emri juaj fillon me A (njerëz të rremë)”.
Madje ndjekësit e dyshes vunë re se Arsimi dhe Ana nuk e ndiqnin më njëri-tjetrin në llogaritë e tyre në Insatgram. Dhe në fakt këto dyshime nuk kanë qenë të kota, sepse lidhja e Anës dhe Arsimit ka përfunduar realisht!
“Prive” ka konfirmuar nga burime pranë dyshes se ata janë ndarë dhe shkak është bërë një debat që kanë pasur me njëri-tjetrin në distancë. Pasi pëërcolli Arsimin në aeroport për në Zvicër, Ana duket se ka përcjellë edhe lidhjen me ish-konkurretin e “Për’puthen”.
Mirëpo, para se mes çiftit të merrte fund, Arsimi i kishte dedikuar një këngë të tijën Anës, për të cilën është penduar.
Siç ka paralajmëruar më herët, ish-konkurrenti po punon seriozisht për t’iu futur muzikës dhe teksti i njërës prej këngëve të tij i dedikohej pikërisht Anës.
Për këtë arsye, ai dëshiron ta korrigjojë. Në InstaStory, Arsimi ka ndarë me ndjekësit këtë pjesë, teksa shkruan:
“Bon be? Se më ke dasht? Të uroj më të mirat beba.
Sardi, tani vëlla duhet me e korrigju njëçikë këtë pjesë.”
