Angelina Jolie zakonisht vishet me të zeza, por këtë radhë është shfaqur e mrekullueshme me një fustan të verdhë. Ajo mori pjesë në ndarjen e çmimeve të Festivalit të Filmit “Asian World”, në Kaliforni.
Nëna e 6 fëmijëve ka tërhequr çmimin “Rising Star Award” në emër të artistit Sreymoch Sareum.
Burime për “InTouch Weekly” kanë konfirmuar se ajo është në një lidhje me një filantropist britanik rreth të 40-ave dhe lidhja e tyre është serioze. Angelina e ka mbajtur krejtësisht të fshehtë këtë lidhje dhe askush nuk ka arritur të zbulojë se për kë bëhet fjalë.
“Mashkulli në fjalë nuk ka emrë, por është përshkruar si shumë i pasur. Romanca e tyre ka nisur në fillim të këtij viti. Janë shumë të fshehtë”, shkruan “InTouch Weekly”.
Ka disa spekulime që thonë se ajo mund të martohet me burrin misterioz, pasi të finalizojë divorcin nga Pitt. Nuk dihet sesa pranë divorcin janë dy aktorët.
Ajo nënshkroi ndarjen në shtator të 2016-s, pas një zënke në udhëtim. Jolie dhe Pitt kanë gjashtë fëmijë: Maddox, 16 vjeç, Pax, 13 vjeç, Zahara, 12 vjeç, Shiloh, 11 vjeç dhe binjakët Vivienne dhe Knox, 9 vjeç.
Një tjetër burim thotë se Pitt do t’i përshpejtojë gjërat për ndarjen zyrtare, pasi kërkon që të vazhdojë jetën.
Kujtojmë se ajo u fotografua muaj më parë me një mashkull mistorioz, por nuk dimë nëse është ky personi për të cilin përflitet.
Burimi: Daily Mail
