Një grua ka kërcënuar se do t’i japë fund jetës pasi kundërshtoi ekzekutimin e vendimit nga përmbarimi për t’i sekuestruar shtëpinë.
Gruaja e cila duket të jetë rreth të 50-tat, ka thënë se do të hidhet nga kati i tetë i pallatit në zonën e Pazarit të Ri në kryeqytet, nëse i marrin shtëpinë.
I biri i saj është shprehur për mediat se për banesën kanë një jetë të tërë që punojnë, dhe se banesën nuk e kanë lënë në kolateral.
“Ndoshta veprimet tona janë të pahijshme, por të denja. Banesën nuk e kemi lënë në kolateral. Kemi punuar një jetë të tërë për këtë banesë” , tha djali i saj.
