Sapo është publikuar dueti më i fundit i Miriam Canit dhe bashkëshortit të saj Alban Skënderaj dhe pa dyshimin më të vogël mund ta cilësojmë si hitin e kësaj vere.
Një këngë ritmike e cila zgjon dëshirën e gjithësecilit prej nesh për të kërcyer dhe nga pamjet e klipit na lindi një dëshirë e papritur për të qenë në ishujt Maldive.
Të përqafuar dhe të kapur dorë për dore herë pas here, çifti ynë i preferuar duket më i dashuruar se kurrë më parë.
Alban Skenderaj edhe një herë shpalosi talentin e tij të veçantë me tekstin fantastik që na emocionoi të gjithëve dhe kjo këngë e titulluar “Duamë” do ngelet gjatë në memoriet e gjithësecilit prej nesh.
Rikujtojmë se Miriami dhe Albani më datën 5 maj kurorëzuan në martesë dashurinë e tyre 12-vjeçare e cila duket se do zgjasë deri në pafundësi…
Momente të shkëputura nga ceremonia nuk kishin si të mungonin në klipin më romantik të momentit, kështu që nuk na mbetet gjë tjetër veçse t’ju themi: “Shikojeni dhe shijojeni!”
