Këngëtarja Ronela Hajati është pritur jashtëzakonisht shumë mirë në festivalin Colour Day Festival që aktualisht po mbahet në sheshin “Nënë Tereza” dhe më së miri e dëshmojnë videot ekskluzive për “iconstyle.al”.
Përpara se bukuroshja të këndonte hitin e titulluar “Vuj”, ka deklaruar publikisht se është një këngë për të gjithë rininë dhe në njëfarë mënyre tregoi se është një dedikim.
“Ndonjëherë ne duam njerëz që s’na duan dhe vuajmë dhe pastaj bëjmë këngë!”- ka deklaruar Ronela.
Rikujtojmë se prej kohësh qarkullojnë në media aludime se Hajati së bashku me këngëtarin Young Zerka janë në një lidhje dashurie dhe deri më tani reagimet nga ana e tyre kanë qenë thjesht në kuadrin e shakasë.
Me doza humori ata kanë pohuar se janë me njëri-tjetrin mirëpo mbetet për t’u parë nëse kanë apo nuk kanë një romancë bashkë. /iconstyle.al
