Më 14 janar të vitit që lamë pas, dy këngëtarët Alban Skënderaj dhe Miriam Cani u bënë prindër për herë të dytë.
E vogla e tyre Ameli u bë me një vëlla, të cilin e pagëzuan me emrin e veçantë Duam.
Për pak ditë, vogëlushi mbush 1 vjeç dhe duket se i ka nisur që tani provat për “koncertin” e ditëlindjes së tij të parë.
S’kishte si të ndodhte ndryshe! Ashtu si prindërit, edhe Duam tërhiqet nga veglat muzikore dhe në videon më të ëmbël që do të shihni sot, shfaqet “duke i rënë” pianos.
“Duami nis provat per koncertin e ditelindjes se pare ?”- shkruan këngëtarja krahas postimit.
E ftuar dje në “E diell”, Miriam s’mundi t’i shpëtonte pyetjeve lidhur me marrëdhënien e saj 13-vjeçare me këngëtarin Alban Skënderaj, ku rrëfeu edhe disa të pathëna nga jeta e tyre personale.
Edi Manushi e pyeti këngëtaren gjatë intervistës për puthjen e parë me Albanin dhe e vënë në siklet, Miriam tregoi se puthja kishte ndodhur kur Albani e ftoi për një darkë pas disa kohëve që njihnin njëri-tjetrin.
“Puthja e parë ka qenë në fillimet tona, kur më ftoi Albani për një darkë, kishim disa kohë që njiheshim. Aty domethënë ndodhi… se tani…. Normalisht ishte Albani më i guximshëm që mori hapin, ishte më i vendosur”- u shpreh këngëtarja.
