Ditën e sotme, rreth 500 studentë të “Fakultetit të Historisë dhe Filologjisë” kanë bojkotuar mësimin dhe kanë nisur protestën në ambientet e universitetit.
Siç kishin paralajmëruar edhe më herët, ata janë ngritur në protestë kundër Paktit për Universitetin.
Ata i kanë bërë thirrje edhe studentëve të tjerë që t’i bashkohen protestës së tyre, ndërsa njëri prej tyre ka treguar se ata nuk kanë nevojë për kartë studenti, e cila sipas tij mundëson ulje vetëm për dyqane luksi.
I riu u shpreh se studentët kanë nevojë për mensa sociale.
“Fakulteti i Filologjikut ka bojkotuar mësimin. Janë vetëm disa student po bëjnë mësim dhe po presim të na bashkohen studentët e juridikut dhe pedagogët. Ne nuk kemi nevojë për ulje tek dyqani I Noizyt. Ne nuk kimi nevojë për pushime në Dubai. Karta e studentit janë vetëm për luksin, studentët si unë nuk kanë nevojë për këto, as për argjendari. Ne kemi nevojë për mensa sociale. Nuk është organizim nga lart, Ne jem shumë të indinjuar, Protestat do të vazhdojë në mënyrë paqësore. Ne nuk jemi shpellarë, as nuk vrasim njerëz, vrasim me penë. Ne do të kemi më shumë pritshmëri. Nuk ka asnjë arritje. Nuk kemi një axhendë të planifikuar. Është diçka spontane. Nuk ka organizator.”- u shpreh studenti sipas “Dosja.al”
