Shumë fjalë të vjetra popullore nuk janë të njohura për brezin e ri. Fjala “këllqe” është një prej tyre, kuptimi i së cilës i referohet guximit të dikujt.
Gazetarja Dasara Karaiskaj intervistoi gjatë një koncerti një fanse të “çmendur” të Roza Latit. Ndërsa adoleshentja e njohu me shqetësimin që kishte lidhur me moderatoren, tha se kur të rritej dëshironte të bëhej si Roza.
Por ajo që duket disi si komike në videon e publikuar nga “seen.al” në “Instagram”, është fakti kur Dasara i përmend fjalën “këllqe”, të cilën nxënësja mendoi se ishte në gjuhën angleze.
Intervista:
Nxënësja: Jam shumë e mërzitur.
Moderatorja: Pse je e mërzitur?
Nxënësja: Për shkak të Roza Latit. Jam fanse shumë e çmendur pas asaj dhe një shoqja ime e klasës më kishte inat dhe për këtë arsye ajo i bëri “block” Roza Latit dhe i komentoi shumë keq, kështu që ajo më bëri “block” mua.
Të lutem Roza, ti nuk e di por unë kur të rritem dua të bëhem si ty.
Moderatorja: Në fakt të bëhesh si Roza është me të vërtetë meritë e madhe të kesh këllqet që ka ajo. Ti nuk e kupton tani këtë fjalë.
Nxënësja: Jo e kuptoj, sepse di shumë mirë anglisht.
Moderatorja: Por këllqet nuk është anglisht, është shqip në fakt. S’ka problem.
Burimi: Iconstyle.al
