Këngëtarja shqiptare me famë botërore, Dua Lipa ka shënuar suksesin e radhës, këtë herë jo në botën e muzikës, por në atë të modës. Artistja është bërë pjesë e koleksionit të fushatës së koleksionit vjeshtë/dimër të veshjeve të markës prestigjioze “Versace”.
Këtë lajm e ka dhënë vetë ajo, duke postuar disa fotografi të realizuara për veshjet më të reja “Versace”.
“Donatella ti je një ikonë dhe një legjendë dhe të jam shumë mirënjohëse për dashurinë dhe mbështetjen. Kjo ditë do të jetë njëra prej atyre që asnjëherë nuk do t’i harroj. Faleminderit”, ka shkruar Dua në imazhet ku duket me një look krejtësisht tjetër nga se jemi mësuar ta shohim.
View this post on Instagram
Kujtojmë se prej vitit 2016-të, Dua Lipa dhe babai i saj, Dukagjin Lipa, organizojnë në Kosvë një nga koncertet më madhështorë, “Sunny Hill Festival”. Ndër vite ky koncert ka mbledhur emrat më të njohur të muzikës, ndër ta artisten me famë botërore, Miley Cyrus. Duket se këtë vit, “Sunny Hill Festival” mund të organizohet sërish dhe Dua e Dukagjin Lipa kanë dhënë një lajm të madh.
Ata kanë njoftuar se Prishtina do të jetë shtëpia e përhershme e këtij festivali, teksa po shqyrtojnë që ta zgjerojnë më tej në një vend më të madh. Dukagjin Lipa propozoi në një mbledhje që festivali të mbahet afër zonës se panaireve në Shkabaj.
“Si një prej festivaleve më të mëdha në rajon kemi nevojë për pronë më të madhe. Gërmia i zë vetëm 20 mijë njerëz, kurse prona që ne propozojmë ka kapacitet për 100 mijë.
Në këtë pronë do investohen gjysmë milioni euro, do mbillen drunj, do bëhet një liqe artificial, këto do bëhen gradualisht. Kjo pronë tani është shkurre nuk ka asgjë”, tha ai.
Ndërsa Dua u shpreh shumë e lumtur që Prishtina do të jetë shtëpia e përhershme e festivalit dhe që do të ketë një vend tjetër për organizimin e tij.
“Festivali ynë Sunny Hill Festival tashmë ka një adresë të përhershme në Prishtinë, Kosovë. Jemi kaq krenarë me arritjen e këtij rrugëtimi deri tani dhe mezi presim që të rritemi më shumë në një vend të ri dhe më të madh! Ju faleminderit për të gjithë dashurinë dhe përkrahjen. Do të shihemi së shpejti”, shkroi Dua në një postim.
