Këngëtarja me prejardhje shqiptare, Dua Lipa nëpërmjet një postimi në “Twitter” u ka kërkuar falje publike fansave për një gabim që ka bërë para 4 vitesh.
Dua është kthyer pas në kohë dhe ka dashur t’iu kërkojë falje fansave për një shprehje raciste që ka përdorur në 2014-ën.
Termi që konsiderohet fyes për njerëzit me ngjyrë është kënduar nga Dua në ‘cover-in’ e këngës “Smoke Drink, Break Up” të Mila J.
22-vjeçarja shkruan në statusin e saj në “Twitter” se nuk ka pasur për qëllim të ofendojë askënd aq më pak të tregohet raciste. Ajo ka shtuar se në vend të kësaj shprehjeje mund të kishte përdorur një fjalë tjetër, por asokohe nuk e mendoi kaq gjatë.
Ndjekësit e saj e kanë pritur shumë mirë këtë veprim të këngëtares duke e vlerësuar për korrektësinë dhe sinqeritetin.
