Këngëtarja me origjinë shqiptare, Dua Lipa, verën e kaluar nisi një lidhje dashurie me muzikantin Paul Klein. Kjo lidhje erdhi menjëherë pasi ajo ishte ndarë nga kuzhinieri dhe modeli Isaac Carew, me të cilin pati një romancë 2-vjeçare.
Së fundmi, një burim për “The Sun” ka thënë se këngëtarja shqiptare i ka dhënë fund lidhjes së saj me Klein dhe për më tepër ka nisur të shkëmbejë mesazhe me ish-të dashurin e saj, Isaac.
“Unë mund të zbuloj se ajo është ndarë nga Paul Klein pas pesë muajsh lidhje dhe i është kthyer kontaktit me ishin e saj Isaac Carew. Dua dhe Paul kishin një kohë vërtet të mirë së bashku, por gjërat nuk funksiononin. Ajo është shumë pozitive për këtë situatë dhe ka derdhur emocionet në albumin e saj të ri, të cilin e ka shkruar në Xhamajka dhe Los Anxhelos.
Dua ka sërish kontakt me Isaac-un, me të cilin u nda vitin e kaluar, por ka qenë jashtë vendit javët e fundit kështu që nuk janë takuar me njëri-tjetrin.”, shprehet burimi.
Dua dhe Paul, i cili është pjesë e grupit rock “Lany”, u takuan në koncert në Hyde Park të Londrës verën e kaluar dhe kaluan Krishtlindjes së bashku në Londër.
Së fundmi Dua është duke u përgatitur për “Brits Awards” ku është nominuar për pesë çmime.
Burimi: The Sun
