Presidentja e Republikës së Kosovës, Vjosa Osmani, po qëndron këto ditë në vizitë zyrtare në Gjermani. Ajo u takua me presidentin e Gjermanisë.
Osmani ndodhet sot në ditën e saj të dytë të vizitës zyrtare në Berlin, teksa e shoqëruar nga eskorta gjermane, presindetja duket se zgjedh me kujdes muzikën që dëshiron të dëgjojë në veturën e saj.
Në një video të publikuar së fundmi në InsatStory, Vjosa ka publikuar pamje nga përbrenda veturës së saj, ndërsa në sfond dëgjohej kënga “Levitating” e Dua Lipës, e cila është pjesë e albumit të saj të fundit “Future Nostalgia”.
“Duke filluar ditën e dytë në Gjermani me Dua Lipën”, ka shkruar Osmani në videon e publikuar në InstaStory
Dua e rishpërndau me ndjekësit e saj në Instagram, të cilët janë plot 72.1 milionë në këtë rrjet social.
“Presidentja jonë e di mirë punën”, ka shkruar artistja me origjinë nga Kosova, e që kudo e prezanton veten si shqiptare.
Kujtojmë se presidentja Vjosa Osmane gjithmonë tregohet shumë mbështetëse ndaj artistëve.
Filmi “Zgjoi” është ndër filmat e Kosovës, nga më të vlerësuarit, i cili aplikoi dhe për çmimet Oscar. Presidentja e vendit, Vjosa Osmani, përmes një statusi në rrjetin social Twitter, u ka uruar shumë suksese ekipit të filmit.
“Është zyrtare. Aplikimi i Kosovës për Oscars është “Zgjoi (Hive)”. Përveç të qenit një kryevepër, kjo histori e luftës dhe këmbënguljes është një frymëzim. Fat të mbarë Blerta Basholli dhe ekipit. Fituesi i trefishtë i Sundance, ‘Hive’ është zgjedhur si Pretendues Ndërkombëtar i ‘Oscar’-it”, – shkroi ajo
