Dua Lipa, Kim Kardashian dhe Bella Hadid janë disa nga personazhet e famshëm që nuk kanë reaguar publikisht në lidhje me reklamat shqetësuese të Balenciaga-s.
Balenciaga u kritikua në internet pasi shfaqi dy vajza të vogla duke mbajtur në duar çanta në formë arushi pellush, të veshur me atë që duket të jetë veshje skllavërimi (KLIKO).
Mes shumë kritikave, Bella Hadid fshiu nga Instagram-i i saj fotot nga fushata e saj e fundit me Balenciaga-n.
Mirëpo ndjekësit e saj vijuan me kritikat, duke kërkuar që ajo të fshijë të gjitha fushatat e saj me shtëpinë e modës dhe të flasë publikisht rreth reklamave.
Nga ana tjetër, edhe Kim Kardashian, është kryqëzuar nga fansat e saj në rrjetet sociale për heshtjen e saj rreth fushatës së Balenciaga-s.
Një burim i afërt me Kardashian, tha për “The Post”: “Kim ishte tepër e mërzitur dhe e shqetësuar nga fushata e festave. Si nënë, ajo nuk ka asnjë tolerancë për abuzimin apo shfrytëzimin e fëmijëve në asnjë nivel. Pasi foli privatisht me ekipin e Balenciaga-s, si dhe duke parë që ata hoqën menjëherë imazhet e fushatës dhe lëshuan një falje publike, ajo shpreson që ata të kenë mësuar nga ky incident dhe se nuk do të ndodhë më kurrë”.
Pavarësisht kësaj, fansat kanë vërshuar në komentet e Kardashian të ngrejë zërin për fushatën e Balenciaga-s ashtu siç bëri për komentet antisemitike të Kanye West.
“Askush nuk dëshiron të blejë asgjë nga ju. Flisni dhe qëndroni për diçka”, komentoi një fanse e zemëruar në postimin e saj që promovonte një shitje në linjën e saj të kujdesit të lëkurës.
“Ju lutem flisni për Balenciaga. Ju nuk mund ta shmangni faktin se keni qenë një mbështetës kaq i madh i tyre,” u lut një fans.
“Kur do të përgjigjesh Kim?! Reputacioni juaj është në linjë këtu,” iu lut një tjetër.
“Ti je nënë. Mos e lini të rrëshqasë,” i tha një tjetër nëna e katër fëmijëve.
Pa kritika nuk ka shpëtuar as këngëtarja me origjinë shqiptare Dua Lipa, e cila gjithashtu nuk ka bërë ende asnjë reagim publik rreth situatës. Hashtagu #cancelbalenciaga është tashmë viral dhe mund të shihet në seksionin e komenteve të personazheve të njohur.
Bella Hadid, Dua Lipa, Nicole Kidman dhe Naomi Campbell iu bashkuan Kardashian në sfilatën e mbushur me yje në Paris . Asnjë nga ato nuk duket se i është drejtuar publikisht reklamave të Balenciaga-s.
